BILBO ZAHARRARI BURUZKO DOKUMENTAL ESPRESA ETA HEDATUA EGITEKO IKUS ENTZUNEZKOEN NAHASKETA TAILERRA

.

Azaroaren 14tik 18ra

16:00 ordutik 20:00 ordura

BilbaoArte.Urazurrutia, 32. Bilbo

Batez ere landa-lanean oinarritutako ikerketa- eta erregistro-proiektu gisa proposatuta dagoen tailer bat da. Gure eginkizuna: Bilbo Zaharrean gertatzen denaren lekuko izatea, ikusten dugunaren, entzuten dugunaren, kontatzen digutenaren eta gero erakutsiko denaren arteko bitartekotza-lana eginez, memoria eta esperientzia horiek prozesatzeko eta tailerrari amaiera emateko erabiliko den dokumental hedatu itxurako puzzle narratiboan memoria eta esperientzia horiek izango duten lekua definitzeko.

Pasealdi kritikoa eta birnahasketa erabiliko ditugu lan irekiko esparru gisa, eta esparru horretan garatuko dugu proiektua. Espazioari eta bertako jendeari galdeketa egiterakoan, sortzeko erabiltzen diren tresnen, metodoen eta bitartekoen nahasketa izango da araua. Deriba psikogeografikoen, kaleetako esku-hartzeen, elkarrizketen, ekintzen eta abarren bitartez, auzoari hitz egingo dioten, auzoari begiratuko dioten eta auzoari entzungo dioten bitartekoen collagea sortuko dugu. Guzti-guztia ingurune horretako bizitzari buruzko bideo, argazki, soinu, mapa, marrazki, testu eta ahotsen bitartez dokumentatua.

Nori zuzenduta dago?

Tailerra ikus-entzunezkoen birnahasketan eta beronen sortze-aplikazioetan interesa duen eta kultura-arloko nahiz arte-arloko prozesuetan parte hartu nahi duen pertsona ororentzat da, pertsona horien inguruko errealitatea zabaltzeko eta ezagutza horretan sakontzeko.

Malaventura artistarekin tailerra

Malaventura Fernando G. Tamajón-ek (Málaga, 1978) bere arte-ikerketa garatzeko 2000. urtearen hasieran aukeratu zuen zorigaiztoko ezizena da. Musika elektronikoa, bideoko lanak, ikus-entzunezkoen zuzeneko muntaiak edo soinu-esperimentazioa dira artista horrek bere sorkuntza-lanean lantzen dituen esparruetako batzuk, eta birnahasketa da bere lan-tresna nagusia. Ikus-entzunezkoen sortzaile gisa, Malaventuraren bideoarteko lanek sariak lortu dituzte eta hainbat jaialditan erakutsi dira (Magmart, Athens International Videoart Jaialdia, Baumann, Streaming jaialdia…).

Beste hainbat proiekturen artean, Zemos98 jaialdiarekin batera lan egin du mugei, migratzaileei eta giza eskubideei buruzko Europako proiektuaren koordinatzaile artistiko gisa (European Souvenirs) eta “La Ciudad Demudada” izeneko zikloaren sustatzaileetako bat izan da. Ziklo hori Málagako La Térmica zentroan garatu zen 2016. urtearen hasieran Antonio R. Montesinos artista plastikoarekin eta Chinowski Garachana soinu-ekintzailearekin batera. 2000. urteaz geroztik lan elektroakustikoak argitaratzen ditu bere MALAVENTURA netlabelaren bitartez.

Programa

Azaroak 14, astelehena. 16:00-20:00

Tailerraren eta lantaldearen aurkezpena

*19:00 Saio irekia : Malaventura-ren hitzaldia:Sormena, Birnahasketa eta  Dokumental Hedatua

Azaroak 15, asteartea. 16:00-20:00
Mapa Psikogeografikoa / Taldeak egitea / Deriba1

Azaroak 16, asteazkeana:00-20:00Materialen sailkapena (soinuak, bideoak, argazkiak, lekukotzak…) / Narrazio Egituraren sorrera / Deriba2

Azaroak 17, osteguna. 16:00-20:00
Deriba3 / Materialen sailkapena eta Narrazio Egituraren garapena

Azaroak 18, ostirala 16:00-20:00

Materialen azken sailkapena / Azken Narrazio Egitura / Ondorioak

INFORMAZIO OSAGARRIA hemen

DOAKO IZEN-EMATEA hemen

Tailer hau URBANBAT 5. jaildiaren programazioaren barruan gertatzen da, BilbaoArte-ren laguntzarekin egiten da, Bizkaiko Forua Aldundia, Bilbao Ekintza eta EHUKultura UPV/EHU-ren babesa duelarik.

Beste jarduerak

Trantsizio hiria prototipatzen

Hiri hau goitik behera aldatzera goaz!

Paseoa

EX!POESIA MEM BAT EXTRAVAGANZA